昨天朋友send來一個圖，係將近期的恒指走勢，跟2018年1月相比，青冰不知出處，沒有去FC箇中數字，但單憑記憶，應該與事實相距不遠。
2018年2月的環球股災，是由XIV引發的，如戰友完全唔知乜事，可以上網google吓，但其實又唔需要太認真，但凡大牛爆煲，個原因都未必重要，只係劇情需要罷了。
又，昨天又有位朋友話，個指數升一千點好牛呀，青冰就回了一句，係呀依家有晒爆煲條件了，跟住個朋友話，咁快爆？炒咗一陣之嘛，個指數都未破頂云云。青冰就梗係唔會阻人發達啦，但心嗰句係，朋友應該係過去大半年在山洞生活了，唔知個市旺咗好耐，至於個指數呢，只要你活得夠耐又不是失憶的話，應該知道原來好多牛市，我哋個恒指都係唔破頂而完結的。
嘩講完咁大輪，戰友應該以為青冰看得非常淡，實際並非如此，倉位繼續go go go，但已經制定了逃生路線，有乜風吹草動就會速逃。
牛市末段係要抱著這個患得患失的心態作戰，柯煙或柯勾，都不是青冰杯茶，賺頭蝕尾，嚴守止蝕，勇往直前，盡情沖個泡泡浴吧。
Search